Plata dla Ploania · 2015-08-31 · da Colfosch/Corvara a Badia. En domegna 11 de mà , ales 14:00...
2
informaziuns & termînns Crusc dla Joneza: te cösc mens de mà passa por le decanat Val Badia „La Crusc dla Joneza“, aziun motüda a jì dla SKJ da Balsan desco recordanza dal „Dé mondial dla Joneza“ a Madrid. En che ocajiun ti â le Papa Benedikt XVI° racomané ai jogn de porté ennant la testimonianza de Gejù Crist mort y ressorì. La SKJ s’à tut a cör cösta racomandaziun y à orü rospogne con cösc segn: „La Crusc dla Joneza“ co è gnüda benedida dal Vesco Ivo Muser ai 21 d’otober 2012 con le fin da la lascé passè da decanat a decanat. Entratan èl la crusc roada dal Decanat Gherdana al Decanat Val Badia. Por rajuns de tomp ne röera nia te vigne ploania, mo almanco te öna de vigne comun: da Colfosch/Corvara a Badia. En domegna 11 de mà, ales 14:00 gnarà portada la crusc a Oies, adöm cun la prozesciun de döta la valada por perié por vocaziuns; ai 16 de mà ales 20:00 saràl a Oies l’ ora de Taizé a chera che düć – jogn y manco jogn – è de cör enviês, y dedô gnaràra sorandada ai jogn d’La Val; ai 23 de mà röera te dlijia a San Martin. La “Crusc dla Joneza” ven portada en sabeda ai 31 de mà da San Martin fora y röa con la prozesciun ćina te dlijia d’La Pli. Do la Santa Messa con les comunitês dla bassa valada, vegnera portada ennant en prozesciun ćina ia Al Plan, olache ara ven prejentada le dé do pla gran messa. signor Iaco Willeit, degan KVW-Seniorenclub: le Seniorenclub Mareo envieia al pelegrinaje a Maria Saal, en jöbia ai 15 de mà. An peia ia ales 8:00 sön plaza dai Stödafüs d’Al Plan. Iade y marena costa 30,00 €. S’anunzié pa Lidia Taibon ℡ 339 7899107. Iade por sanć/1: la sabeda ai 24 de mà vegnel fat n pelegrinaje a Maria Trens organisé dales Patrones de Südtirol con nosc vesco Ivo Muser co dijarà la messa ales 11.00. Dötes les patrones con familia interesciades dess s’anunzié ćina ai 20 de mà pa Loise ℡ 0474 590026. Al ven organisé na coriera por döta la Val Badia co sarà a Longega ales 7:40. Iade por sanć/2: al ven organisé n pelegrinaje a Sottomonte, paîsc nadé dal Papa San Giovanni XXIII en jöbia ai 28 de mà. Al è da se prenoté pa Emma da San Ćiascian ćina ai 25 de mà ℡ 338 6667929. Referat: con signor Tone Fiung dal titul “Deach’i t’ô bun”, aladô de so liber, en lönesc ai 12 de mà tal Istitut Ladin a San Martin. Düć è bel enviês Ocio - Comun de Mareo: al ven lascé alessei che dal 1 de mà ennant ven le ciomont de ćiasa coü adöm sora döt le Comun mâ le dedôlönesc. Tal tomp de saisonn gnaràl enjunté na secunda recoüda inće le vendres. Düć è periês da meter fora le sach o le chibl dal ciomont dan les 6 da doman o la sera denant. Döt le bun a: Irma Daporta Barth, Graz * 13.05.1923 Giovanni Nepomuk Agostini, Valsperch * 15.05.1932 Jep Palfrader * 16.05.1934 Msgr. Karl Golser * 16.05.1943 sr. Angelica Daverda, Legnano * 17.05.1930 Milio Winkler * 17.05.1933 Jan Brandlechner * 18.05.1933 y a düć chi co à santennom y complesc i agn cöst’edema Plata dla Ploania: comunicaziuns ćina jöbia sera: [email protected] o Franz Rigo ℡ 0474 500978. La plata sön Internet: www.valbadiaonline.it/comunite/ploanies.html o www.comun.mareo.bz.it/ploanialapli Plata dla Ploania La Pli - Santa Maria dal Bun Consei ℡ Calogna Al Plan 0474 501006 [email protected] radio de ploania 93,00 Mhz Ann A 2014 11.05.2014 n. 24 4. DOMEGNA DE PASCA La usc dal famei St.Ap. 2, 14a. 36–41 | 1 Pire 2, 20b–25 | Jan 10, 1–10 Dal Vangelo do San Jan: 7 Gejù ti à dit: Amen, amen, i ves diji: Iu sun l’üsc da i jì pormez ales biesces. 8 Düć chi co è gnüs dan da mè ea leri y lotri; mo les biesces ne i à nia ascutè sö. 9 Iu sun l’üsc; chel co passa da mè ete gnarà salvé; al jarà ete y fora y ciafarà pastöra. 10 Le lere ven mâ a d’arobé, a copé y a desfà; iu sun gnü, por che ares ais la vita y che ares l’ais en abondanza. “L’üsc dla salveza” Gejù è famei y üsc de stala dles biesces: na raprejentaziun co manifesteia vijinanza, amur y söa orenté da se fà sté pa Èl. Gejù è la vita y sonza Èl èl ma tristeza y mort. Treć i va pormez a d’atri por i tó o desdrü amizizies, valurs y sentimonć desco la fede, la bunté, la verité… La sora garanzia por nia rüné la vita è sté pa Gejù. I preii ensciö: Tö es l’üsc de stala, tö es la sì dal velin, tö es le bun famei dal pastoreć… Ne te sâl nia che te esagerei, Gejù? Tö rospognes de sciö, desco dagnora y iu sa: t’esagereies tal amur y tl’amicizia. Tö es “gelûs” de to pastoreć, tö ôs che degügn ne san vài. T’as fistidi de töes biesces ćiodi ch’al è en gröm de lûs rabiûsc. Mo tö ne se das nia ma en tratamont minim, tö ôs ch’i ànse la vita en abondanza. Olà ciafunse pa en miù pastorec co le tò, en miu famei co tö y na stala plü sogüda co la töa? Mo tö ôs ch’i ne stunse nia chić, ch’i ne se slüjunse nia. To stil è l’acolienza, töa forza è la misciun, to fin è la daurida inće por d’atres biesces co n’è nia de “cösta stala”. Nos orun te daidé, Gejù. I sun de pices biesces, mo i podun gnì de bogn ćians dal famei. “Parola Amica” Il vangelo della domenica per ragazzi Walter Cazzaniga, traduziun Edith Willeit Letöres dla 5. domegna de Pasca: St.Ap. 6, 1–7 | 1 Pire 2, 4–9 | Jan 14, 1–12
Transcript of Plata dla Ploania · 2015-08-31 · da Colfosch/Corvara a Badia. En domegna 11 de mà , ales 14:00...
� informaziuns & termînns
Crusc dla Joneza : te cösc mens de mà passa por le decanat Val Badia „La Crusc dla Joneza“ , aziun motüda a jì dla SKJ da Balsan desco recordanza dal „Dé mondial dla Joneza“ a Madrid. En che ocajiun ti â le Papa Benedikt XVI° racomané ai jogn de porté ennant la testimonianza de Gejù Crist mort y ressorì. La SKJ s’à tut a cör cösta racomandaziun y à orü rospogne con cösc segn: „La Crusc dla Joneza“ co è gnüda benedida dal Vesco Ivo Muser ai 21 d’otober 2012 con le fin da la lascé passè da decanat a decanat. Entratan èl la crusc roada dal Decanat Gherdana al Decanat Val Badia. Por rajuns de tomp ne röera nia te vigne ploania, mo almanco te öna de vigne comun: da Colfosch/Corvara a Badia. En domegna 11 de mà , ales 14:00 gnarà portada la crusc a Oies, adöm cun la prozesciun de döta la valada por perié por vocaziuns; ai 16 de mà ales 20:00 saràl a Oies l’ora de Taizé a chera che düć – jogn y manco jogn – è de cör enviês, y dedô gnaràra sorandada ai jogn d’La Val; ai 23 de mà röera te dlijia a San Martin. La “Crusc dla Joneza” ven portada en sabeda ai 31 de mà da San Martin fora y röa con la prozesciun ćina te dlijia d’La Pli . Do la Santa Messa con les comunitês dla bassa valada, vegnera portada ennant en prozesciun ćina ia Al Plan, olache ara ven prejentada le dé do pla gran messa. signor Iaco Willeit, degan
KVW-Seniorenclub: le Seniorenclub Mareo envieia al pelegrinaje a Maria Saal, en jöbia ai 15 de mà . An peia ia ales 8:00 sön plaza dai Stödafüs d’Al Plan. Iade y marena costa 30,00 €. S’anunzié pa Lidia Taibon ℡ 339 7899107.
Iade por san ć/1: la sabeda ai 24 de mà vegnel fat n pelegrinaje a Maria Trens organisé dales Patrones de Südtirol con nosc vesco Ivo Muser co dijarà la messa ales 11.00. Dötes les patrones con familia interesciades dess s’anunzié ćina ai 20 de mà pa Loise ℡ 0474 590026. Al ven organisé na coriera por döta la Val Badia co sarà a Longega ales 7:40.
Iade por san ć/2: al ven organisé n pelegrinaje a Sottomonte, paîsc nadé dal Papa San Giovanni XXIII en jöbia ai 28 de mà . Al è da se prenoté pa Emma da San Ćiascian ćina ai 25 de mà ℡ 338 6667929.
Referat : con signor Tone Fiung dal titul “Deach’i t’ô bun” , aladô de so liber, en lönesc ai 12 de mà tal Istitut Ladin a San Martin. Düć è bel enviês
Ocio - Comun de Mareo : al ven lascé alessei che dal 1 de mà ennant ven le ciomont de ćiasa coü adöm sora döt le Comun mâ le dedôlönesc . Tal tomp de saisonn gnaràl enjunté na secunda recoüda inće le vendres. Düć è periês da meter fora le sach o le chibl dal ciomont dan les 6 da doman o la sera denant .
Döt le bun a: Irma Daporta Barth, Graz * 13.05.1923 Giovanni Nepomuk Agostini, Valsperch * 15.05.1932 Jep Palfrader * 16.05.1934 Msgr. Karl Golser * 16.05.1943 sr. Angelica Daverda, Legnano * 17.05.1930 Milio Winkler * 17.05.1933 Jan Brandlechner * 18.05.1933
y a düć chi co à santennom y complesc i agn cöst’edema
Plata dla Ploania : comunicaziuns ćina jöbia sera : � [email protected] o Franz Rigo ℡ 0474 500978. La plata sön Internet: www.valbadiaonline.it/comunite/ploanies.html o www.comun.mareo.bz.it/ploanialapli
Plata d la Ploania La Pli - Santa Maria dal Bun Consei
℡ Calogna Al Plan 0474 501006 � [email protected] � radio de ploania 93,00 Mhz
Ann A 2014 11.05.2014 n. 24
4. DOMEGNA DE PASCA La usc dal famei
���� St.Ap. 2, 14a. 36–41 | 1 Pire 2, 20b–25 | Jan 10 , 1–10 Dal Vangelo do San Jan: 7Gejù ti à dit: Amen, amen, i ves diji: Iu sun l’üsc da i jì pormez ales biesces. 8Düć chi co è gnüs dan da mè ea leri y lotri; mo les biesces ne i à nia ascutè sö. 9Iu sun l’üsc; chel co passa da mè ete gnarà salvé; al jarà ete y fora y ciafarà pastöra. 10Le lere ven mâ a d’arobé, a copé y a desfà; iu sun gnü, por che ares ais la vita y che ares l’ais en abondanza.
“L’üsc dla salveza”
Gejù è famei y üsc de stala dles biesces: na raprejentaziun co manifesteia vijinanza, amur y söa orenté da se fà sté pa Èl. Gejù è la vita y sonza Èl èl ma tristeza y mort. Treć i va pormez a d’atri por i tó o desdrü amizizies, valurs y sentimonć desco la fede, la bunté, la verité… La sora garanzia por nia rüné la vita è sté pa Gejù.
I preii ensciö: Tö es l’üsc de stala, tö es la sì dal velin, tö es le bun famei dal pastoreć… Ne te sâl nia che te esagerei, Gejù? Tö rospognes de sciö, desco dagnora y iu sa: t’esagereies tal amur y tl’amicizia. Tö es “gelûs” de to pastoreć, tö ôs che degügn ne san vài. T’as fistidi de töes biesces ćiodi ch’al è en gröm de lûs rabiûsc. Mo tö ne se das nia ma en tratamont minim, tö ôs ch’i ànse la vita en abondanza. Olà ciafunse pa en miù pastorec co le tò, en miu famei co tö y na stala plü sogüda co la töa? Mo tö ôs ch’i ne stunse nia chić, ch’i ne se slüjunse nia. To stil è l’acolienza, töa forza è la misciun, to fin è la daurida inće por d’atres biesces co n’è nia de “cösta stala”. Nos orun te daidé, Gejù. I sun de pices biesces, mo i podun gnì de bogn ćians dal famei.
“Parola Amica” Il vangelo della domenica per ragazzi Walter Cazzaniga, traduziun Edith Willeit
� Letöres dla 5. domegna de Pasca: St.Ap. 6, 1–7 | 1 Pire 2, 4–9 | Jan 14, 1–12
Iu sun le bun famei. I conesci i mi, y i mi conesc mè. Alleluia (Liturgia)
Edema liturgica dai 11.05. ai 18.05.2014
DOM 11. 4. DOMEGNA de Pasca – FESTA DLA OMA DÉ MONDIAL D'ORAZIUN POR LES VOCAZIUNS
Joachim, Gagolf
08:30 gran messa dla comunité ♫ Cor dla Joneza
� 14:00 prozesciun por vocaziuns dl’Unité Pastorala da Badia a Oies
Lön 12. Nereus, Achilleus, Pancrazius, Imelda
19:30 devoziun de mà
Ded 13. memoria de Santa Maria da Fatima, Servaz
� 07:45 s.m. dai scolari por Kehrer, Costamesana s.m. por + Iuliana Manschg Erlacher, Plaza s.m. por + Jep Pedevilla, La Munt - devoziun de mà
Dem 14. Bonifaz, Christian
19:30 devoziun de mà
Jöb 15. Sofia, Rupert, Isidor, Friedrich
19:30 s.m. por + Nazio Erlacher, Cargà s.m. en onù de Santa Maria por families Rovara, Plans-La Pli
Ven 16. Jan Nepomuch, Ubald, Adolf
19:30 devoziun de mà
Sab 17. Dietmar, Walter
07:30 s.m. de ringraziamont por fam. Lois y Hannelore Pedevilla, Soröa s.m. en onù de Santa Maria dal Bun Consei - devoziun de mà
DOM 18. 5. DOMEGNA de Pasca FESTA DLA PRÖMA SANTA COMUNIUN
Jan I., Burkhard, Dietmar, Felix
� 09:00 i acompagnun les 9 mitans y i 9 mituns dla Pröma Santa Comuniun te dlijia, gran messa en onù dl’Eucaristia y de Santa Maria dal Bun Consei por ei y por la comunité ♫ scolari
ampola: por la fam. Willeit, Soratrù ministronć: � da doman y domegna: Anita Brandlechner y Carolin Willeit
� da sera y domegna: Elias Frontull y Marlies Ellecosta
i recordun: Heinrich Erlacher, Kematen + 13.05.2005
Ida Peslalz Magrotti, Balsan + 15.05.2010
Maria nosta oma
Azeta les supliches de nosta oma Maria! I periun Chelbeldio, nosc Pere onipotent, co nes à scinché Maria, la oma de so Fi y i dijun: Azeta les supliches de nosta oma Maria! Tö as chirì fora Maria desco oma de to Fi: por söa interzesciun straverda la Dlijia da vigne prigo! Azeta les supliches de nosta oma Maria! Tö as fat Maria simbol dla Dlijia: dài a düć chi co crei unité y amur! Azeta les supliches de nosta oma Maria! Tö as scinché Maria al monn desco oma: por söa interzesciun scinca sanité ai amarês, consolaziun y speranza a chi co vir tal dolur! Azeta les supliches de nosta oma Maria! Tö as fat Maria plena de grazia: por söa interzesciun dài ai pićiadus le pordonn y a döta la jont pêsc y benedisciun! Azeta les supliches de nosta oma Maria! Tö as cherì fora Maria desco oma dla Sacra Familia de Nazaret: por söa interzesciun ten töa man sora nosta famlia y straverda sü membri, dandadöt chi co è dalunc da ćiasa, da vigne mal! Azeta les supliches de nosta oma Maria!
11. Mai | Weltgebetstag für geistliche Berufe
„Die Ernte ist groß, aber es gibt nur wenig Arbeite r. Bittet also den Herrn der Ernte, Arbeiter für seine Ernte auszusenden“ (Mt 9,35-38) Die Menschen auf dem Weg Ihrer Berufung brauchen unser Gebet.
Vita de ploania y de paîsc
• Poscibilitês da se pissié: signor ploan sarà te confescional la domegna dales 08:00 ennant y le pröm vendres dales 18:45 ennant.
• Envit : en domegna ai 11 de mà vegnel tignì la tradizionala prozesciun por les vocaziuns; an peia ia ales 14:00 da Badia demez por jì en prozesciun sö Oies. Toléde pert! signor degan.
