Warek d Wasin S id At M εemmer - imyura.net · Asmu ḥyet Warek d Wasin Max und Moritz - Heinrich...

Warek d Wasin Sεid At Mεemmer

1

Sεid At Mεemmer. Izerfan umeskar akk d ayla-s. ISBN: 978-1-291-34736-4


2

Asmuḥyet

Warek d Wasin Max und Moritz - Heinrich Christian Wilhelm Busch –

Ameskar n wunuγen d Wilhelm Busch (* 15. Yebril 1832 di Wiedensahl;

† 9. Yennayer 1908 di Mechtshausen)


3

Tazwart Fell-asen d ihedman ara nissin Yemcumen-agi di sin Yerna melmi kan i yeğğan tibessasin Wigi iwumi ssawalen Warek d Wasin

Iwakken ad ilin d arrac igerrzen Nutni s ayen-nniḍen i d-qefzen, Anda ur jeggḥen, ad ṛṛẓen Sselben tilawin d yergazen. S teḍṣa i d-εewwlen i twuγa Megdulet i tt-rran tuffγa, Ma yegra-d kra n wul ur yerγa Ḥṣut, bab-is d lhemm i yebγa. D tifirsin neγ d tibexsisin Ad tent-akren, ad cellxen deg ifurkan, Yerna ugaren timqessin Yilsawen-nni d asen-fkan. Maca, abbaḥ! Ayagi diri-t! Fell-asen a d-tezzi tmeddit! Ad tent-in ihi tliwa sluγen, Ẓret-ttent di ccna, tira d wunuγen :


4

Rradma tamezwarut Deg iles-ik a d-tafeḍ tγeẓẓaḍ Γef wid yesseḥbibiren γef tyuẓaḍ: Acku ssrusunt-asen-d timellalin Ay annect ḥemmlen ad tent-walin Daγen, mi yekker uṣeqḍiḍ a d-yeγli Ad as-ḍeggren yiwet s ameqli Ma tenger akk, tewweḍ d asawen Tteḥwiğen γur-sent iferrawen Mi ččuren yes-sent taduli d tsumtiwin Tagrest war asemmiḍ ad tt-id-awin

Annect-a tugi-t nna Faṭi-yagi tağğalt Tḥemmel-iten war ma fkan-as-d tamellalt.


5

Γur-s kraḍ n tyuẓaḍ war aεewwiq D uyaẓiḍ ireffden aεenqiq. Warek d Wasin nnan-as, Amek ara nuqem deg-sen afernas? Din din ufgen am lebraq Γur-sen ulac d acu ur nlaq. Anday n tqerracin d ayen ur ẓẓayen Ad ten-id-ṣeggden am iγerdayen.

Ndin-asen, ssersen-asen-tent Sswa sswa Anda ara d-ṭṭfent.


6

Werεad tent-iwala uyaẓiḍ Yuzzel, iγil d kra ẓid. Qiqqiεεu, qiqqiεεuuuu! Ddac, ddac, ddac, almi d-yufa yeqqar, miεεu! Am uyaẓiḍ, am tyuẓaḍ kkren kan ad neγben S iciwi n leγrur ḥnuccḍen grarben.

Γlin am Weqbayli s irebbi-s Mi d as-nnan, "tirrugza d kečč i d bab-is".


7

Skud jebbden ẓelmeḍ yeffes Qemmḍen deg yiman-nsen nnefs.

D tiγri n "qa, qa, qa!" Is d-nnan, "ah ya ssiεqa!"


8

Si temgeṛṭ ttwaxenqen Γef ufurek i ttwaεellqen, Taγect-nni tamcumt dayen tebbeḥbeḥ Sqaqayen s wesweḥweḥ.

Yal ta turew-d tamellalt Sakin terza-d tmettant.


9

Nna Faṭi tağğalt di texxamt n tguni Seg wusu i d-tesla, yeγli-d igenni.

Teffeγ-d ur teẓri i tt-yeggunin Ah ya ssiεqa, tura a d-iniγ tiselnin!


10

„Iserreḥ yeẓri-s, ifeggeḍ d imeṭṭi! Wwet agejdur γef yixef-im a Faṭi! Targit tucbiḥt iwumi tefkiḍ laman Tεelleq γef ttejra n lxuxx d-rebban waman!“

S unezgum d wesḥissef Lmus deg ufus i t-teṭṭef Tesseγres rrebg tettqelleq Γef at laxert tekfa aεelleq


11

Tekna i uqerru tessusem S weḥdiqer s axxam tekcem Tagi d rradma tamezwarut Tis-snat teččur-d tawwurt


12

Rradma tis-snat Ulamma teqreḥ tewεer Nna Faṭi tağğalt teṣṣbeṛ Tuγal txemmem akka d wakka Γef tegnit d wayen d as-d-tefka Tufa-d iyuẓaḍ-is mmuten mmuten Ttifxir ihi ma tečča-ten Mi ten-teqli akken yessefk I terwiḥit-is ad ten-tefk Ma d tasa-s s tidet tegzem Teccencaw deg-sen tettezzem Dγa mi yeẓẓlen akken deg umeqli Tettmekti-ten-id mi ddren di tlelli Ttawin ger teḥnact d tebḥirt Ttneggizen sfenṭijen di tmazirt


13

Ziγ ccedda s tγawla ur tferru Nna Faṭi tağğalt daγen tettru Warek d Wasin cummen kan ifurran D alluy γer ssqef iγef tt-fran


14

Seg wesfaylu sṭuṭṭcen Walan ceṭṭḥen widen ara ččen, Ufgen-asen iqerra yakan Di zzit yerγan εeryan tekkan.


15

Nna Faṭi tağğalt s tqedduḥt deg ufus Terra γer texxamt n rray anda tessrus, Leεqaqer d leḥwal n tuggi A d-tawi ifelfel aberkan i wayen tettheggi, Afus tger-it tger-it a mimmi Meqqar ad tessukk talaba γef yimi.

Ddunit akk ḍegger lqef Usawen fran-tt γef ssqef, Warek i tigi yakk yessen Tasennart ger ifassen.


16


17

Ay acelxux! Wali wali Ayaẓid amezwaru la d-yettali Ay abexbux! Wis-sin yuli-d Ay ameslux! Wis-kraḍ yeḍfer-it-id Tura yerna-d wis-ukkuẓ Ay alexlux! ad k-nečč nelluẓ Taqjunt ṭṭenhen-tt teqqel tetlef Hab! Hab! terra-tt sakin i useglef

Imcumen neṭgen qefzen Deg iḍarren ssmenεen ddzen,


18

Dayen, tura ad kfun lehdur Nna Faṭi tağğalt ad tewwet agejdur; Γer zdeffir d tikli teγli Mi tḍegger tiṭ s ameqli.

Ufgen akk iyuẓaḍ, d nnger! "Finat!" - i d awal amezwaru d-tger.

Ah ya taqjunt, imi kemm ur kem-rḥant! Arğu ad am-mleγ, a yiwet n tfuḥant!


19

Aḥezzeb imiren ur yelli Deg-s s teflut i teγli, Aseglef n Finat yezger tilas Seg uzaglu d-yeγlin fell-as.

Deg yiger i yeffren Warek d Wasin Rran iεebbaḍ s igenni, llεelεen di sin. Iyuẓaḍ akk di tεebbuṭ Yal wa tegra-d deg imi-s yiwet n tqesbuṭ. Rradma tis-snat tefra Ad ternu tis-kraḍ tura


20

Rradma tis-kraḍ Ad iniγ, teẓram γef wacu I yessnen akk medden dda Qiccu

Ulac anda ur t-nettaf Di yal tameγra yedda d aqeffaf. Lemmer tetturar tmeqbert aẓawan Fell-as ad tecnu, "A win yeqqazen iẓekwan". Rzu γer ssbitar n ugemmaḍin Ad t-in-tafeḍ yenteḍ γef ssrir umuḍin. Ass n tcemlit, γas tekkreḍ-d zik Dadda-k Qiccu, a mmi yezwar-ik. Ur yettkukru tamettant taγeddart Mi ara tekker tmes seddaw taddart. Ass-a medden akk zeggren tilas Netta γas ttkel fell-as. Yerna s kra ara ẓrent wallen-is Zemren ad t-uqmen ifassen-is. Γef wayen at taddart yerkell Ulac win ur t-nerri d ameddakel.


21

Ma d Warek d Wasin εewwlen-as Ggullen ad εekkin fell-as! Tiqenṭeṛṭ n wesγar terna leεli Zdat wexxam-is, wergaz lεali.

D tin i d abrid n laman Iγef zeggren medden sennig waman


22

Warek d Wasin s umencar S tuffra gezzmen asγar Zenn, zenn! Tiqenṭaṛt tefla Γummen aṭeṭṭuc-nni sufella Ticerket iwumi ssan leḥrir mi thegga Serrḥen i leεyaḍ d-iγeṭṭlen ijga.

Ffγet-d a lγaci ad teččem ciccu! Ass-a d tameγra γer dda Qiccu! Γer dda Qiccu ayen yebγun yili Ma d ttmesxir mi s-yesla, zzbel-is a d-yali.


23

Yeddem-d deg ufus aεekkaz S tazzla i ten-yeεna wergaz Nutni cennun, "uh a dda Qiccu, a dda Qiccu Aqerru-k ad t-neccencu!".

Iḍarren ttazzalen ur ẓrin Bbarttax! tiqinṭeṛt tebḍa d tiḥedrin.


24

Cennun daγen: "uh a dda Qiccu, a dda Qiccu D acu k-nuqem εni, d acu?" Nutni γer lkaf imiren fkan-t Ma d snat teblefḍin ssyin i d-kkant.

Dda Qiccu iwala kan lmut Yeckunteḍ skud lḥal ur t-ifut.


25

Yejgugel deg iḍarren yugad lmut Sraffgent yes-s γer sennig tmurt

Ulamma i tmettant yemneε Ansi iεedda yeğğa abellaε


26

Tadyant-a dda Qiccu tessexcawet-it Ula s teqreḥ n tεebbuṭ tewwet-it.


27

Tameṭṭut n dda Qiccu tuklal asnemmer Tuqem akk ayen iwumi tezmer A taεebbuṭ-is yegzem usemmiḍ Tessres-am leḥdid teḥmiḍ


28

Dγa di taddart slan akk medden, Dda Qiccu yeqqel gerrzen-as ifadden Rradma tis-kraḍ teṭṭef tasga Tis-ukkuẓ dayen thegga


29

Rradma tis-ukkuẓ Amdan d ayagi i d as-yessefken: Tamusni akken ad as-tt-fken.- Sin imeslayen-nni n "nniγ, yenna" Ur tessalayen ara s asigna; Γas deg weslebleb d tira ad igerrez Ur tefra, ur teddez, ur tebrez; Daγen mačči kan s ucemmer iγallen Γer leḥsabat mi ara ten-ssalayen; Maca, yelha ula d almad s tegzi S tmesla lqayen tamusni i d-tettezzi


30

Cwi kan yella Mass Messus Yerran annect-a i medden fessus.- Ma yella d Warek d Wasin, Γuccen aselmad-a di sin. At tqurar am nutni, Ur ḥemmlen kra ara d-yini. Netta di tmuγli-s yesεa laman, Ur d as-iberru i ṭṭbel deg waman. Segmi yessen akud yettγawal, Dγa yessugut awal. Mi yecrew tidi yencew, Yettkeyyif ddexxan deg yiccew. Yak Warek d Wasin faqen-as, I yiccew-nni heggan-as lmina-s. Mass Messus mi d-yewweḍ sayass, Axxam n Rebbi yedla fell-as.


31

Iḍudan-is s iḥulfan i ttafgen, Rrsen-as i uẓawan akken mmugen. Allen-is γas ldint, qemcent, Imcumen-nni axxam-is kecmen-t. Walit ihi Warek ma ur yessin, Yeṭṭef-as iccew-nni i Wasin!

Wasin s tγawla d waffug, Yeddem-d lgaz yessurug.


32

Deg yiccew-nni igan am umeẓẓuγ - deḥḥes, deḥḥes, deḥḥes! - Almi dayen ur isel i lḥess. Γef tfednan s tuṭṭfa n tawla, S tsusmi, a tarewla! –

Axxam n Rebbi yerra-yas-d tawwurt Mass Messus iberrnen tasarut. Seddaw teγruṭ-is zzmam ideg ara yaru Leḥsabat akk yeddem uqerru.


33

S wecrah d uḍar-is yedda, Amzun teddem-it tmedda.

Yeddem-d iccew-nni s tujjya,

yenna-yas, "γur-i d kečč i d ccemma!

Anef, ṭṭixxer! Ad cummeγ ad yemmet wemcum,

A d-yegri useεdi ad tt-yeεmer!”


34

Bbemm, bemm! Iccew iceεεel yeṣṣeεṣeε, Mass Messus yeγli yeṣṛeε. Lemri yeγli-d yeṭṭeṛḍeq, Yiwen ucuffiḍ ifelleq. Γef tγerγert yessa walim, Yal takwat tdel d aclim.

Taεeğğağt-nni tezri, "Ad yidir!" - i s-yettwarun γef yiri - Yeẓẓel yettel am utiṭuḥ; Tawaγit ur d as-tcuḥ.


35

Aγenjur, afus, udem d imeẓẓuγen, Tebrek d wabbu seg-sen i d-teffγen. Sin wanẓaḍen-nni iγef yeqqel d aεessas Rγan akk, aqerru-s yuγal d aferḍas.

I warrac-nni tura, amek ara sen-neg, Akken tamusni deg-sen ad t-jjuğğeg? Anwa ara s-yessalayen leḥsabat-is i Mass Messus, Akken taεkemt ad as-tifsus? Deg wacu ara ikeyyef mi ara yettqelleq, Segmi iccew-nni tura ifelleq?


36

Tujjya, s wakud medden i tt-ufan, Ma d iccew dayen yebḍa d iceqfan. Tagi d rradma tis-ukkuẓ γef Mass Messus Tura a d-ternu tis-semmus


37

Rradma tis-semmus Ma twala-k-id, ad teddreḍ deg wedrum Ideg yezdeγ yiwen am xali Celγum, Ma tettaγeḍ-as awal di kra ad ak-imel; Am mummu n tiṭ ad k-iḥemmel. Qqar-as, azul, γur-s ttilwiγ! Yakk d "yella kra teḥwağeḍ ad k-t-id-awiγ?" Mi yeḥwağ kra, tiniḍ-as, yerbeḥ; D lqahwa, ṣṣkeṛ neγ d lemleḥ. Ma yeqreḥ-it weεrur, ssebba ur s-yecfi, Kker din din, eṛṛeẓ-as tisfi! Ma ffγent-d wallen-is, d tikli ad yemmurḍeṣ, Mekken-as iccew n ccemma ad yeεḍeṣ. Mi ara yeffeγ, ma yettu-tt neγ ur tt-yeẓra, Taεekkazt iεelleq, awi-yas-tt γer berra. Ussan n weẓγal, mi akken ara d-awḍen, Ttagem-as-d aman isemmaḍen. Ma d Warek d Wasin faqen-as, Nnan-as: "Ad tenger yemma-s!" Walit ihi argaz amek i yella bxir, D wamek s-ceεεlen lgaz deg wul s ttmesxir!


38

Ẓriγ yal wa yessen arzuz amek immug, Γur-s iferrawen am wefrux i waffug.

Warek d Wasin sgucclen isekla, Γellin-d warzuzen am uzemmur di lexla.


39

Rran-ten γer tecekkarin n lkaγeḍ, am ṣṣkeṛ, Tin kan yeččuren, fell-asen tṣekkeṛ.

Wwin-ten s tγawla d lḥir I xali Celγum γer seddaw ssrir.


40

Drus kan akka, yettneḥniḥ yettusu, S tcacit γef uqerru i yekcem s usu.

Γli-d ay iḍes, aha tura awi-t! Dγa imiren i yeṭṭeṣ yerna di talwit.


41

"Zelleγmani ṭak, ṭak!" Ulin-d sennig tduli. Myezwaren-d am tqeḍεit n wulli.

Amezwaru iγil d ajajur, Mi s-yessers ifer γef uγenjur.


42

"Ccelqef!" "D acu d wagi? Yya-d ihi, imi k-id-yewwi Σemmar Buzwar γer dagi!


43

Xali Celγum tegra-yas-d kan trewla, Iwala ahdum-nni, seg wusu yennejla.


44

"Aaaaḥ!"- Skud yeqqim kan din yettnemḍar, Ibeεεej-as-d yiwen deg uḍar.


45

Yettawi yettarra, yessalay leḥsab-is, Nutni ddan kan di leεqab-is.


46

Segmi dayen terra-t tmara, Deg-sen iteddez almi kfan merra.


47

Walit ihi, yak dayen tura, Arzuzen negren, ma d fell-as tefra.

Tebren-d talwit γer xali Celγum, Yemdel tiṭ-is yeṭṭes, telha tduli swayes iγumm. Tagi d rradma tis-semmus d yid-s ur teṭṭis, Tejba-d am uṭarus zdeffir-s tis-sḍis


48

Rradma tis-sḍis Imuras-nni ibaḥanen n tefsut, D lawan n tẓidanin, mačči n tusut. Anda i sent-yehwa i wallen rrent, Lkucat akk werrkent ččurent. Tiẓeṭ yerna yezri usemmiḍ, Warek d Wasin yeffeγ-iten-id uṣeqḍiḍ.

Beẓẓi bu lkuca icumm-itt yezweṛ, Yeffeγ yemdel tawwurt, s ucicceh i tt-iṣekkeṛ.


49

Wi ran kra ad t-yeccelqef, Yegra-d kan webrid d ssqef.


50

Bbeεzeq! Γlin-d seg wesfaylu am waklan izilan I sin yemcumen-agi tura anwi i ten-ilan?

Ay axessar! Ulac akk sanda ara rren, Kecmen srid s aεemmur n wewren.


51

Walit-tten kan! A yemma i txeddem temlel! Ffγen-d am snat teγyal n wedfel.

Maca, din din qefzen walan Timtunin-nni irumyen iεellan.


52

Ṭṭeṛṭeq! Akursi yebḍa γef sin ifelleq;

Bberttax! Rnan ṣubben sanida sen-ilaq.


53

Kkren-d, ffγen-d ttergigin, Γummen-d s tamment, neggin.

Dγa yuγal-d imiren Beẓẓi, Ifaq iwala ur yenniḍ ur yezzi.


54

"Ad ḥesbeγ ar kraḍ" i d as-yenna, "Sin iγerman a d-yeffγen s wigi ssyina."

Tirgin akken i tent-yeğğa i qqiment reqqent "Axemt ihi!" Qqlent ttdeqdiqent.


55

"Yyaw tura! Skud ur tcaḍem; Amarezg n tεebbaḍ iγer ara tawḍem!"

Medden akk ad s-inin: Iṣeffer-asen wewtul Maca, uhu - ddren am lemtul.


56

Ṣṣgeḍ, ṣṣgeḍ! Am sin iγerdayen Sseblaεen rennun, almi kan dayen.

Beẓẓi bu lkuca: "Ihuh, d acu d wayi? Abbuh ay at leεraḍ, rewlen-iyi!" Tagi d rradma tis-sḍis Taneggarut teddem-d afḍis


57

Rradma taneggarut Arğut kan a Warek d Wasin tura! Wa tagi d rradma n taggara!

D acu ara ten-yawin akk ad tt-mergen, I tcekkarin acimi ad tent-cerrgen?


58

Walit tura, atan dda Meṛẓi Ibubb tacekkart n yirden am ilemẓi.

Werεad yemḥaḥed asurrif, Aṭiṭṭuc ur ten-yeṭṭif.


59

Am win wwten yemsigman, ibedd yenna: "Ihuh, d acu-t akka? Tacekkart la tettifsus d čanana banana."

"Anṣuf yes-wen ay imerbaḥ!" Ṭṭṛedqent wallen-is a medden Γef Warek d Wasin deg yirden.


60

Dderbez! Γer tcekkart yerra-ten Qqlen llan ulac-iten.


61

Mi d asen-yenna: "Yyaw tura a yir ssekkat!" I iban usigna swayes tekkat.


62

"Γur-k ttxil-k, Γiwel a bu tessirt! Ẓeḍ-iyi-d aya, d rrmim ihi err-it!"


63

Ṭṭenṭen! Yessureg-iten ṭṭneṭnen war lmizan, Ṣubben deg wexjiḍ amzun d izan.


64

Ddeg! Ddeg! Ddeg! Deg-sen tissirt tesdegdeg.

Dagi yezmer yiwen ad ten-iwali, Amasseεd-ik a wi ddren d amdan lεali!


65

Tiyuẓaḍ ad ten-ineγben ad qqlent d tibexbuxin Bu tessirt yessufeγ-d γur-sen tizuxzuxin.


66

Taggara Di taddart ulac win yeqreḥ wul-is Yal wa amzun yekkat ṭṭbel γer xwali-s. Nna Faṭi tağğalt d nnefs i d-tger, Terna tenna: "Si zik i ẓriγ ad ten-yečč nnger." "Ya ḥeṣra!" I d as-yenna dda Qiccu. " Ṛwut tura a tarwa ciccu!" Yerna-d deg wawal-is Mass Messus: "D amedya igerrzen yerna annect-a drus!" Yenna-d kra ula d Beẓẓi s wemcaḥ deg iḍudan, "Ay annect ẓid ziγen wemdan!" Ula d xali Celγum yenna: " Alxir, a lxir Akka tura ad ṛwun ttmesxir!" Ma d bu tessirt uḥdiq segmi yessen Yenna-yasen: Ur d iyi-d-tewqiε di jedd-nsen! Ger leεrac akk yeffeγ wawal Liser yettazzal yettγawal "Amarezg-nneγ! Futen dayen, Yerna di sin, iγerdayen! !"


67

Warek d Wasin S id At M εemmer - imyura.net · Asmu ḥyet Warek d Wasin Max und Moritz - Heinrich...

Documents

Transcript of Warek d Wasin S id At M εemmer - imyura.net · Asmu ḥyet Warek d Wasin Max und Moritz - Heinrich...