Central Khristian Khanglai Pawl Souvenir

Chief Editor dawkan apat ah………

“Kum sawmnga tin kum chu mang thiangtho unla, la gam ua mi zosia kiang in zalenna puang un. Nang uh a ding in Jubilee hin tin. Mitin in gam a zawksa’u haw nei kit thei innau. Suak zosia le a inn ua chia kit thei innau.” Leviticus 25:10

Jubilee kum hi zalenna hun ahi bep hilo in nei leh lam, in leh lo ala zuak dawkte, ala sumangthaite a dingin le neithei kitna hun ahi.Chuleh mihing phung leh chang hinate mangthai hial ah suak ah khuasate a ding ah le hina diktak ah kile kit theina hun ala hi. Ziaziakah chun Jubilee hun hi kile kit nahun, neileh lam nei kitna hun chuleh a bul ah kipat kitna hun ti thei ahi. Ei Khristian Khanglai te’n le zia hun sung hi Pathian kiang ah kile kit na hun leh ama nasem ding ah kipat thak kitna mangthei tei ding in iki dawisak hi. Thagau lam ah chau leh basamte kaihuai ah chanchinpha henailote kiang ah tangkopi thei ding ah kipat thakna leh pan lak thakna hun, ahung hi thei ding iki lam et hi. Zia ban ah chun tuhun ah CKKP Golden Jubilee lim leh kipak takah i mat zing lai unle hun chiasa lawiupate nasepna leh CKKP ala bulphudaw dante’u hi suithakkitna hun ah mang ah pan la thak kit zel din iki dawisak kit uh hi. Hun chiasa lawiupate haw kha thiamna, chitna,tuhun gual ah sang tak takte ala neilo maithei ahiu ah maleh amau in, ma ala lakna ziakua kum 50, Golden jubilee tiang tungthei i hiu, chun tuhun ah khanglaite hin bang gual in pan la di i hiu em ti ki gel chiat hitiu. CKKP masawn zelna di leh khangtona dingin CKKP sung ah khanglai zosia leh Nu leh Pa te pan lakna tawsawt a pawimaw zing hi. Golden Jubilee ah i kipakna ni khua’u hi nisan tumpi mai lo ah zing nino thak suak zawkna hun ahi theina ding in Pathian kiangin pauchap zing hitiu.

Zia gual ah hun lopi leh thupitak Central Khristian Khanglai Pawl kum 50 Golden jubilee ei puitungtu Pa Pathian kiang in chawihawina leh lopina i pia’u hi. Zia hun ah Souvenir lam ah mawpuakna Chief Editor ding ah dawisakna liantak tawh CKKP puitute’n lei guatnau chung ah hin ka kipak mama ah suang le kaki suangla hi. La chunguh leh Pathian chung in kipakthu ka hung paung hi. Adiak in ei Vaiphei mite hi lekha zik leh a sim mi hi aki tam pua, Souvenir ding ah article chawmkhawm di ka gel leh ka lung a lel mama hi. Ahivang in kala suangtua sang in Pathian ma puina zalin kagin chak khel in article tamtak a hung lut ah, a simnuam te’n a sim

ii

Central Khristian Khanglai Pawl Souvenir

kham di set uh article melmu ah a um hi ka kipakna ahi. Lungthim ngaituana leh tha leh jungte seng ah article leh greeting message hung zik zosiate chung in Souvenir editorial board sik in kipakthu ka hung puang hi. Article a um mai ah hin Souvenir ahi ziang thei pua, kilawmtak maiah Souvenir mel a hung put theina ding ah hin tha leh jung tam tak seng a ngai kit ah. Zia nahin Editor Pu Ginthiansiam, Secretary CKKP leh Souvenir board te sun leh zan chawllo ah Souvenir print dawna ding ah pan alakna’u chung in kipak thu ka gen hi. Zia ban ah chun Souvenir board ah panglo maleh tawmngai takah greeting message chawmkhawmna ding ah ei kithuapi T/Upa Lallianthang, Superintendent and Accountant, Manipur Presbyterian Church Synod leh Pa Thangtinlal chung in kipakthu ka gen kit hi. Chuleh, ahuntak leh kilawm takmai ah Souvenir ei print piak K. Pyar’s Micro Enterprise te chung inle kipak thu ka gen hi.

A tawpna pen ding in khanglaite khawvel thiam zilna mun chuam chuam leh gam chuam chuam ah um leh khuasate kiang ah ka vaithak nawp chu ahileh Bible ah kibulphu zing ah buaina haksa i tuak ah le Pathian thu thiangtho ki mapuisak zing dingin ti hi ahi. Zia na ding ah chun thuthunglui hun ah Daniel hinkhua hi entawn ding in kadawisak hi. Babylon ah thiam a zilna banggual ah hinkhua a mang em tite hi khanglai te’n i hetmil lo diu ahi. Daniel leh a lawi pathumte hi Juda mi ahina’u apat Babylon mi ah kisuak hial dingah a et kawl uh ahi. Amin te’u le Babylon min ah sang vek in a nek leh chakte’u le Babylon Lengpa nek leh chak tui tak takte apia’u hi. A hivangin Daniel chu Lal an tui tak tak leh zu haw chu dawn ah kisubuak chu a nuam puai ti imû ahi (Daniel 1:8).Pathian helo ginglotute gam ah a um in le Pathian dawigual bawl zing in Pathian kiang in a pauchap zing hi. Ei Khristian Khanglaite le Pathian in Daniel leh a lawite gual in ei mapui zing ta hen.

Central Khristian Khanglai Pawl 50 Golden Jubilee Souvenir simtute zosia Pathian in malsawm ta hen! Amen.

Dated: Shefa House, Churachandpur Upa Pauchungnung Vaiphei

The 1st December, 2018 Chief Editor

CKKP Golden jubilee Souvenir

iii

Central Khristian Khanglai Pawl Souvenir

KIPAK THUGENNA

Amasa’n Central Khristian Khanglai Pawl, Khuga Sadar Presbytery (MPCS) Kum 52 tiang tungthei ah Golden Jubilee lawm thei ta dinga ima’u ei puitu Lapa Pathian chu chawihawi in um tahen.

Tuni hun ah Central Khristian Khanglai Pawl Committee in, Golden Jubilee Souvenir Editor dinga dawisakna ei piakna chungun Pathian min in kipakthu ka gen hi.

Khanglai “ginna thutiam bawlte, sepna nei bituk kisiampiakte, chuleh kochuam nu leh pate” haw’n tawmngaisua ah tha leh jung chuleh sum leh pai seng ding itsiklo hial ah la panlakna zal ua CKKP Golden Jubilee kipak tak ah lawm thei i hi ziakun hi Jubilee Souvenir hi mangcha’n la chungun kipakna thu ka hun taklang hi. Jubilee a dingah la panlaknate’u zal in Lalpa Pathian in la sep la bawl zosia’u in hun malsawm zing tahen ti’n ka dawisakna ka hun lân hi . I panlak dante’u hi ka mu in CKKP Khawmpi thupi “La thilbawl loiptakte chu khangthakte’n gensawn zel ina’u” ti hi ka lungthim in a hung kilang vung vung hi. Zia gual ahi khangthakte haw’n panla khawm zel le hin uh CKKP chu mi nuai ah kunlo ding ihiu, chuleh Pathian in CKKP thathamlo in a pui hi ti hi khangthakte’n hun gensawn zel ding ahiu.

CKKP khangthu ka zikna apat ka khanglai chanpite hiat dingah ka taklat nawp chu puitu masate’n haksatna tamtak thuak pumah, kukal takah a panlakna zal ua tuni hun ah khanglaite haw’n Golden Jubilee lawm thei ihiu ti hi ahi.

A tawpna pen dingin Jubilee Souvenir suadaw ahi theina dinga gim leh chawl khawksalo ah sun leh zan ah ei kithuapi Jubilee Souvenir Board, Chief Editor Upa Pauchungnung Vaiphei leh K. Pyar’s Micro Enterprise te chungin Pathian min in kipakthu ka gen hi.

Lalpa’n CKKP Golden Jubilee Souvenir simtute zosia malsawm in la ma’u hun pui zel tahen.

GinthiansiamSecretary CKKP & Editor

Golden Jubilee Sovenir

iv

Central Khristian Khanglai Pawl Souvenir

Central Khristian Khanglai Pawl Souvenir v

Central Khristian Khanglai Pawl Souvenir

Central Khristian Khanglai Pawl Souvenir

Email : khugasadarpresbytery16@gmail.comPh. No. : 8974328575 (Exe. Secy.) 7005445068 (Offi ce Asst.)

Tuibuang Bazar, Post Box - 50Churachandpur 795128,Manipur,India

(Manipur Presbyterian Church Synod)

MESSAGE

vi

Central Khristian Khanglai Pawl Souvenir

Central Khristian Khanglai Pawl Souvenir

Amasa’n bangkim zosia ei puitu Lalpa chu ka chawihawi a, chuleh puitu masa dam nalai te leh fam eila chansante zana ka piazawm ngal hi.

Puitu masa mi hangsan dam nalaite leh mual eila liamsantate tuni hin zing nino limna kawlni chu ahung engdawk singseng ah, khangthakte di’n hiatmil theilo khangthu a dinga tepte tak nilopi chu ahung hitai.

Lalpa hi chu a bel tak a, al�m ah um hi anuam hi. Ama beltute gilkial dangchak ni um sek maleh, basam den leh chausia in aum ngai puaiu.

Aw… puitu gin um thafam ala changtate haw... lauthan chungthang vân apat in ginna mitthan hung thilsuk ma tiamu sulnung gamdai hi. Khangthakte’n la sulnung uh zui in kum 50 tinna Golden Jubilee chu Leilon Vangkhaw zawlin 17th-

20th Jan. 2019 in suang phu in pâk bang chawi in lim in kalam ui. Aw anawp na lawm lawm e….thalek gam fan lai nite vang anuam pua, Jordan lui galkaite’n vang nuam asa’u ei ve maw?

Puitu masate chanchin malai leh tuanthu gual mai achang zotai. E… changlo zen in, sepai hangsan khangthak tamtakte melma galkâp dingin galdo na mun lam a zuan zung zung ui.

Awle…CKKP Golden Jubilee lopi takah mat thei na ding ah nei leh lam, tha leh zung itlo hial ah thawdawk tute zosia, thawdawk zel thei dingin Lalpa’n hun malsawm chiat ta hen.

Ama lam en zing hitiu in, ama bel zing hitiu aw.

Upa Liansawmthang

Leader CKKP

MESSAGE

vii

Central Khristian Khanglai Pawl Souvenir

Central Khristian Khanglai Pawl Souvenir viii

Central Khristian Khanglai Pawl Souvenir

Central Khristian Khanglai Pawl Souvenir

Message

My sincerest congratulations to the Central Khristian Kahnglai Pawl (CKKP) for celebrating its Golden Jubilee. Reaching Jubilee year is not simple but a great achievement as it takes years and generations to overcome. In a time like this, it is crucial to realize the presence of God by reading through the past long years. Let us remember that the goodness of God has been well testi�ied through our own story.

It is my prayer that this souvenir will serve as a channel to help all the readers see the power’ of God in abundance.

ix

Central Khristian Khanglai Pawl Souvenir

Central Khristian Khanglai Pawl Souvenir x

Central Khristian Khanglai Pawl Souvenir

Central Khristian Khanglai Pawl Souvenir

THE KHUGA SADAR PRESBYTERY MANIPUR (PCI)(A Constituent Unit of Manipur Presbyterian Church Synod)

KIPAKNA THUTHOT CHENG

Kingailut kiti thumal hi Christian ho dinga agilpen ahi. Umkhom sunga kingailut banga Umkhomlou nunga kingailut chu agilpen ahi. 1976 August lha a kon in Pathen peh hi ding in Khuga Sadar Presbytery sunga Pastor na toh kanei pan ahin, kum 35 ache tah vangin KINGAILUT chu ahung um jing thei in ahile Pathen ka thangvah mong mong ahi. Kum 40 val nunga Kingailutna hung kilhun thei hi thilpha ahi. Keima tah jong Pathen peh kum kahin sim theiya kum 42 nunga jong KSP te KHRISTIAN KHANGLAI PAWL Golden Jubilee mangthei dinga Pathen in DAMNA eipeh thei jal in Pathen ka thangvah ahi. Kiloikhompi tamtah hinkho bei jong le eiho a DAMLAI CHENGIN GOLDEN JUBILEE hi Khuga Sadar Presbytery Nute Pate a dingin Pathen in vangboh eipeh jom peh jing na dingun eiman chahpeh u hen. Pu (L) Rev. V.S. Liankhopau Vaiphei Pu (L) Rev. Siaktinkham Vaiphei Pu (L) Evan. Paukam Vaiphei le Lamkailui dang dangho cheng CONDOLENCE jana kahin peh tha ahi. Pu (L) Upa ongjachin Haokip Pu (L) Siaktinjam Vaiphei le Upa (L) Jamkhopau Vaiphei le adang jouse jana le ngailut Salam kahin peh ahi.

Dated Imphal10th September, 2017

Pakai lhacha keima

Rev. Ngulkhongam Lhungdim, B.A; B.D.Kuki Christian Church

P.O. Box - 52, P.O. Imphal, Manipur

P.O. Box-52 P.O. Imphal, Manipur

Rev. N. Lhungdim B.A; B.D.Secretary

Gospel Mission SocietyKCC(A) India

Estd. 1979

Tel: 0385 - 2422858

xi

Central Khristian Khanglai Pawl Souvenir

Central Khristian Khanglai Pawl Souvenir xii

Central Khristian Khanglai Pawl Souvenir

Central Khristian Khanglai Pawl Souvenir

Message

Pathian awmpuina leh kaihhruaina ropui takchanga, Central Khristian Khanglai Pawl, Khuga Sadar Presbytery, Manipur Synod in Golden Jubilee hial in lawm thei hi a ropui ka ti in, Central Khristian Khanglai Pawl, Manipur Area, Mizoram Synod aiawh in lawmpuina leh duhsakna sangber ka hlan a che u.

Khristian Khanglai Pawl hi Kohhran kutke, Krista leh a Kohhran tana ban rinawm leh innghahna alo nih a, thalai rual tamtakvakvai leh kalbo mek te Krista ke bula hruai kir a, Pathian ram ti zaua, Krista Lalram din nghet tu alo nih zel theih nan,ka duhsakna sang ber ka hlan bawk e.

REV. C. LALNGAIHAWMA

Leader

Central Khristian Khanglai Pawl

Manipur Area: Mizoram Synod

xiii

Central Khristian Khanglai Pawl Souvenir

Central Khristian Khanglai Pawl Souvenir

KSP CKKP GOLDEN JUBILLEE CHIBAI “SHALOM”

Masanglai ah limtaka hun i matliam takuh mani tuallena chiata ngakleltak ah ila thil sek CKKP Golden Jubilee chu ahung tung ahi tamai a. Imau eipuitu Pa Pathian kiang in kipak thu um masa henla, Khristian Khanglai Pawlte kiangin SHALOM.

Pathian hepina zalin Chanchinpha tawh kum 100 val hial ei kitawnpi nung in i Khristian hinkhua hi a dem um lam hizawta ahem tithei khawp in um maleh i kawng chuam chuam ah ipuksiat theina dingte lak ah tungding kitding in khristian khanglai te’n zia Golden Jubilee ni akipat hin mimal leh khawtang hinkhua leh Kochuam a ding Khrista Na sem thak ki hitiu.

Hun chiatasate haw ka thil in, Pathian lopi zia leh phatzia te hi kamu chian deu deu a. 1969 kum ah Leilon Biakin ah KKP Joint Conference limtak ah matlai ni te haw geldaw in lunghel um khawp mai hi. Zia nung ah Pathian mapuina zalin kum 1975 June ni 1 ni’n PCI Assembly Of�icer Rev. SL Lingdou, in Leilon BiakIn Pro-Pastor ding ah keima ngei ‘Installation’ (guat) ei hun bawl a, amun leh member zat te et in beidawng umthim ziang ah. Zia sub district sung ah Kochuam Upa pali te (UpaNgampau,UpaKaizang,UpaNeikholunlehUpaKhupneithang) tawm maleu Pathian hatna suangin KKP te, CWA te chu kituak tak leh tawmngai tak ah ahung pui huai ua, ahun khangto mama hi. Zia kum ngei achun Khanglai Secretary mawpuakna kala chang ah, Khanglai Leader Upa Kamtinthang tawh kithua in Pathian Na kala septo zel laiun da um takin Rev.VS Liankhopau in Alipur Hospital ah eila bei san ta, KKP min in galna ala kipia, Mawltak leh hatlotak te mangchan Pathian in KKP te amun leh ahun pawimaw dungzui in ma eila puito pek zel ah, lampi te eila kawkmu to zel ahi. Zia nung ah 1977 kum ah Kobru sub district ah Bialtu Pastor chenglut masapen ding in ka zi leh chate tawh Leilon khua ah kaki chawnlut ua, ka lawinu K.Liannem in

xiv

Central Khristian Khanglai Pawl Souvenir

le zingkal lam ah naupangte lekha ziltil in Pathian na kala semto zelua. Pathian lemguat makzia chu zia theikham kham ah Pathian na kasepna’u kha hetlo kalin KKP lawiupa, Pastor leh Kochuam lawiupa bangzat hem khat abulpatna leh ahung zilpatna ala himai ahi.

Zia bep chule hilo in Puitu masa Rev Siattinkham, Rev Haukham leh Evan.Paukam te mapuina zalin Baptist Kochuam apatin Sadar Lamte KSP in ahung lut ua. Pu Siaklam in Bible aledaw te, Rev VS Liankhopau in la aphuakte haw mangchan Vaiphei pau zil kawm kawm in thugen lasak leh pauchap ahung zilthei tau ahi.

Tulai khangthakte masawn dan hi ivak thil chun kipak ziak in mit-thi le le-luan hial ding in alang ah. Kum zabi 21 khat ihung kaidawk tau a, khanglai te khawvel tithei aihita mai ah, Kochuam leh khawtang a le khanglaite mapuina ngawn ahung hitai. Pathian nasepna lam ah kizawpkhawm theina pen uh chu CKKP in Kochuam khut leh keng ah pang in Pathian chawihawi hi ahi. Mihingte mani masial ah adim zinglai in Khristian Khanglai te vang midangte a ding ah malzawlna hithei ding in Pathian in i Golden Jubilee mangin mal eizawl hen ti hi ka pauchapna ahi. Masang lai a KSP Joint District KKP khawmpi hunte’n eiliam santa, hunthak mathil nei in PCI Prayer cell, CKKP fellowship tite, Joint Synod Central KKP conference tite malam sautak thil in ginna sungkhat ah leng gual te’n “Khawvelzosialalpagamahimasia’n” ti in Kum 1910 lai a Chanchin pha meisel de ding in khanglai Thangkai leh Lungpau Pathian in amang ah. Pathian namtel, Pathian nei namte ihi’u a, “Maichamahmeiamitloudingahi(Lev6:13)” ti thupi mang in, maicham a mei sem kuang zing ding in “Gospel hepi in malam zuan in” ti lunggil ah tu zing in, CKKP malam khawvak thil in, midang a ding ah mal zawlna hizel ding dawisakna kahung lan hi.

Rev K. Lala Salem Veng

(Ex KSP Khanglai secretary 1975)

xv